GuidePedia
ព្រះករុណាព្រះបាទសម្តេចព្រះ នរោត្តម សីហនុ អតីតព្រះមហាក្សត្រនៃព្រះរាជាណាចក្រកម្ពុជា កាលពីព្រះអង្គគង់នៅមានព្រះជន្មនៅឡើយ ទ្រង់បានព្រះតម្រិះនៅក្នុងព្រះរាជសារមួយរបស់ព្រះអង្គ ធ្វើនៅទីក្រុងប៉េកាំង ប្រទេសចិន ចុះថ្ងៃទី២៧ ខែមេសា ឆ្នាំ២០០៣ ថា "ក្នុងសម័យសង្គមរាស្ត្រនិយម គ្មានការពាក់គ្រឿងឥស្សរិយយសមហាសេរីវឌ្ឍន៍នៃព្រះរាជាណាចក្រកម្ពុជា គ្រឿងឥស្សរិយយសមហាសេនានៃព្រះរាជាណាចក្រកម្ពុជា និងគ្រឿងឥស្សរិយយសខ្ពង់ខ្ពស់របស់ជាតិយើងនោះទេ ។ បើគចង់ទិញក៏គ្មានលទ្ធភាពទិញបានដែរ ទោះបីឲ្យរាជរដ្ឋាភិបាល ឬខ្ញុំប៉ុន្មានម៉ឺន សែនដុល្លារក៏ដោយ ។ ការផ្តល់គ្រឿងឥស្សរិយយសជាតិយើងនៅសម័យនោះ គឺសម្រាប់តែវីរជនបម្រើជាតិដ៏ស្អាតស្អំ ហើយថែមទាំងធ្វើពលិកម្មគ្រប់បែបយ៉ាងទៀតផងក្នុងការការពារជាតិ ប្រយុទ្ធដើម្បីឯករាជ្យ និងបូរណភាពទឹកដីនៃមាតុភូមិកម្ពុជា ។ មានតែវីរបុរស៣នាក់ទេកាលនោះ ដែលបានទទួលគ្រឿងឥស្សរិយយសមហាសេរីវឌ្ឍន៍នៃព្រះរាជាណាចក្រកម្ពុជាអំពីខ្ញុំ គឺសម្តេច ប៉ែន នុត, សម្តេច ញឹក ជូឡុង និងសម្តេខ សឺន សាន ។ ឥឡូវ គ្រឿងឥស្សរិយយសមហាសេរីវឌ្ឍន៍នៃព្រះរាជាណាចក្រកម្ពុជា បានទៅដល់មនុស្សចំនួនរាប់មិនអស់ទេក្នុង១ឆ្នាំៗ ១ខែៗ ។ " ។
Top
